ماڵپه‌ری شایسته‌
سایتيكی بيلایه‌ن بؤ خزمه‌تی هه‌مووان

     بۆ ئاگاداربوون له‌ نوێترین بابه‌ته‌كان به‌ژداربه‌ له‌ ته‌له‌گرامی شایسته‌

    https://t.me/shaesta1

    شاسوار عەبدولواحید پارەی كارەبای حكومەتیش نادات

    شاسوار عەبدولواحید پارەی كارەبای حكومەتیش نادات

    بەڕێوەبەرایەتی كارەبای سلێمانی ئاشكرای كرد، پاركی چاڤی لاند زیاتر 445 ملیۆن دینار پارەی كارەبای نەداوە و بەو ھۆیەوە بڕیاری بڕینی كارەبای پڕۆژەكە دراوە كە ھی شاسوار عەبدولواحید خاوەنی كۆمپانیای نالیایە.
    سیروان محەمەد، لێپسراوی راگەیاندی بەڕێوبەرایەتی کارەبای سلێمانی رایگیاند: "کارەبای چاڤی لاند بە بڕیاری بەڕێوبەری گشتی کارەبای سلێمانی بڕاوە، کە پارەیەکی زۆر قەرزارن زیاتر 445 ملیۆن دینار قەرزارن و چەندین جار بۆیان کراوە بە قیست، بەڵام هەر نەیانداوە، تاوەکو ئەو کاتەی پارەی کارەباکە دەدەن کارەبای چاڤی لاند نادەینەوە".
    راشیگەیاند: "سەبارەت بە نرخی کارەباوە هیچ جیاوازیەك نەکراوە لەگەڵ شوێنەکانی تر هەمووی یەك نرخە".
    لێپرسراوی راگەیاندنی كارەبای سلێمانی ئەوەشی خستەروو: "بۆ هیچ کۆمپانیایەك و یەکەنیشتەجێبووەکان نییە کارەبای هاووڵاتیان ببڕێت بەبێ ئاگاداری قائیمقامی سلێمانی و بەڕێوبەرایەتی گشتی کارەبای سلێمانی نە کارەبای مۆلیدە نەکارەبای نیشتمانی، چونکە ئەوە خزمەتگوزاریە نابێت گەمارۆ بخرێتە سەر هاووڵاتیەکان بۆ ئەوەی پارەکە بدەن، هەر بۆیە شەوی رابردوو لە یەکەنیشتەجێبوەکانی کورد سیتی 1 لەلایەن کۆمپانیای نالیاوە بە نایاسای هەستان بە بڕینی کارەبای چەند ماڵێك".
    ئەمە لەكاتێكدایە بەپێی راپۆرتی چاودێری دارایی حکوومەتی ھەرێمی کوردستان، كە پێشتر لە رۆژنامەیەك بڵاوكراوەتەوە لە ساڵانی (2013 - 2014) کۆمپانیای نالیا بەبێ یەکلابوونەوەی دۆسیەی سووتانی تەلەڤزیۆنی (نالیا)، وەکوو پێشینە بە دەستەبەری بانك لە مانگی 2ی 2013، بڕی 3 ملیار و 603 ملیۆن و 750 ھەزار دیناری وەکو قەرز لە حکوومەت پێدراوە، بەڵام دواتر کۆمپانیای نالیا کەیسەکەی لە دادگا نەبردووەتەوە و تا ئێستاش ئەو بڕە پارەیەی نەگەڕاندووەتەوە.

     وه‌كو هاوكارییه‌ك بۆ ئێمه‌ رۆژانه‌ 1 جار كلیك بكه‌ له‌

     تۆره‌كانی ماڵپه‌ری شایسته‌ بینه‌رمان بن

    Facebook     Youtube    Instagram    Telegram   Twitter