ماڵپه‌ری شایسته‌
سایتيكی بيلایه‌ن بؤ خزمه‌تی هه‌مووان

    ڕوسیا هۆشداری داوەتە لێپرسراوانی تورکیا لەو چەکانەی بەدەست شەڕڤانانەوەیە لە عەفرین

    ڕوسیا هۆشداری داوەتە لێپرسراوانی تورکیا لەو چەکانەی بەدەست شەڕڤانانەوەیە لە عەفرین

    سەرچاوەکانی هەواڵ لە زاری سەرچاوەیەکی سەربازی ڕوسیاوە بڵاویانکردووەتەوە، وەزیری بەرگری ڕوسیا هۆشداری داوەتە لێپرسراوان تورکیا سەبارەت بە هێرش بۆسەر عەفرین، چونکە شەڕێکی خوێناوی دەبێت و هێزەکانی ئەمریکا موشەکی جۆری "ستینگر"ی دژە ئاسمانی داونەتێ.
     ئەوە لە کاتێکدایە دوێنێ سێرگی شۆیگۆ وەزیری بەرگری ڕووسیا لەگەڵ خەلوسی ئاکار سەرۆک ئەرکانی سوپای تورکیا و هاکان فیدان بەڕێوەبەری دەزگای هەواڵگری تورکیا "میت" کۆبوونەوەیان کردووە و تەوەرەی سەرەکی گفتوگۆکان تایبەتبووە بە دۆخی سوریا و ڕۆژهەڵاتی ناوەڕاست.
    هاوکات لەگەڵ چڕبوونەوەى تۆپبارانکردنى تورکیا بۆسەر عەفرین، بەرپرسێکى باڵاى وەزارەتى دەرەوەى ئەمریکا بە ڕۆژنامەى نیویۆرک تایمزى ڕاگەیاند، هێرشکردنە سەر عەفرین خزمەت بە ئاسایىشی تورکیا و سەقامگیریى سوریاش ناکات.

    ئەو بەرپرسە باڵایەى وەزارەتی دەرەوەی ئەمریکا لە لێدوانەکەى ئەمڕۆیدا بۆ نیویۆرک تایمز ئەوەشى خستووەتەڕوو، هەوڵی تۆپبارانکردنی ناوچەی عەفرین لەلایەن تورکیاوە دەبێتە هۆی ناسەقامگیریی هەرێمی و یارمەتی پاراستنی ئاسایشی سنوورەکانی تورکیا نادات.

    ئاماژەی بەوەش کردووە، ''ئێمە باوەڕمان وایە ئۆپەراسیۆنی سەربازی خزمەت بە سەقامگیری ئیقلیمی ناکات. سوریا و تورکیاش دەبێ ئاگایان لە ئاسایشی سنوورەکانی خۆیان بێت. ئێمە پێمان وایە هەواڵی ئەو هەڕەشە و چالاکییانەی لە ڕاپۆرتە سەرەتاییەکاندا ئاماژەیان پێدەکرێت هیچ خزمەتێک بە بەرەوپێشچوونی دۆزەکە ناکات بەڵکو کۆی دۆزەکان ناسەقامگیر دەکات.''

    ئەوەش لە کاتێکدایە تورکیا ماوەى هەفتەیەکە تۆپبارانى عەفرین دەکات و ئەمڕۆش چڕترین تۆپبارانەکانى بەرامبەر بە عەفرین ئەنجامداوە و هێزێکى زۆرى سەربازیى لە دەورووبەرى عەفرین کۆکردوەتەوە. بەرپرسانى ئەو وڵاتەش چەندجارێک ڕایانگەیاندووە، کە هێرش دەکەنە سەر عەفرین و داگیر و خاپووری دەکەن.

     ئێوه‌ له‌ كوێبن ئێمه‌ش له‌وێن هه‌ژماره‌كانی ماڵپه‌ری شایسته‌ بینه‌رمان بن

    په‌یجی فه‌یسبوك      كه‌ناڵی ته‌له‌گرام       كه‌ناڵی یوتوب      هه‌ژماری تویته‌ر       په‌یجی انسته‌گرام