ماڵپه‌ری شایسته‌
سایتيكی بيلایه‌ن بؤ خزمه‌تی هه‌مووان

    ڤیدیۆ.. پۆلیسێكی ئەمریكی كۆرپەیەكی تازە لەدایكبوی بەرەگەز عەرەب لە خنكان رزگاردەكات

    ڤیدیۆ.. پۆلیسێكی ئەمریكی كۆرپەیەكی تازە لەدایكبوی بەرەگەز عەرەب لە خنكان رزگاردەكات



    پۆلیسێك لە یەكێك لە شەقامەكاندا كۆرپەیەكی تازە لەدایكبو لە خنكان رزگاردەكات، كە شیر لە گەروی پەڕیوە.

    دەستبەجێ بۆ رزگاركردنی ژیانی ئەو كۆرپەیە دەستبەكاردەكات كە تەمەنی تەنها سێ هەفتەیە
    ڤیدیۆكە لەرێگەی كامێرای جێگیری بەشی پێشەوەی ئۆتۆمبێلە پۆلیسییەكەی ئەو ئەفسەرەوە تۆماركراوە، دەستبەجێ بۆ رزگاركردنی ژیانی ئەو كۆرپەیە دەستبەكاردەكات كە تەمەنی تەنها سێ هەفتەیە.

    ئۆتۆمبێلەكەی رادەگرێت و بە هێمنی و بێ شڵەژان فریاگوزاری سەرەتایی ئەنجامدەدات
    كامێرۆن میچێسكی، ناوی ئەو ئەفسەرەیە كە لەبەردەم ماڵی خانەوادەی كۆرپەكەدا بەهۆی هاوار و داواكاریی دایكی كۆرپەكە بۆ یارمەتی ئۆتۆمبێلەكەی رادەگرێت و بە هێمنی و بێ شڵەژان فریاگوزاری سەرەتایی ئەنجامدەدات.

    سەرەنجام ئەو ئەفسەرە بوە هۆكاری گەڕانەوەی ژیان بۆ كۆرپەكە لەكاتێكدا دایكی بە گریان و هاوارەوە بە چواردەوری ئەفسەرەكە و كۆرپەكەیدا دەسوڕایەوە، دەریشدەكەوێت بەشێك لە وتەكانی خانەوادەی كۆرپەكە زمانی عەرەبییە و لە شێوەزاری لوبنان نزیكە.

    كۆرپە سێ هەفتانەكە رەوانەی نەخۆشخانە كراوە بەمەبەستی دڵنیابونەوە لە باشبونی تەندروستیی
    ئەو ئەفسەرە دوای رزگاركردنی كۆرپەكە، هەوڵی هێوركردنەوەی خانەوادەكەی دا، كە توشی ترسێكی زۆر هاتبون بەهۆی روداوەكەوە، دواتریش كۆرپە سێ هەفتانەكە رەوانەی نەخۆشخانە كراوە بەمەبەستی دڵنیابونەوە لە باشبونی تەندروستیی.

    بڵاوی بكه‌نه‌وه‌


    تۆش ده‌توانی پشتیوانیمان بكه‌یت بۆ به‌رده‌وام بوون؟ رۆژانه‌ كلیك بكه‌ له‌

     ئێوه‌ له‌ كوێبن ئێمه‌ش له‌وێن هه‌ژماره‌كانی ماڵپه‌ری شایسته‌ بینه‌رمان بن

    په‌یجی فه‌یسبوك      كه‌ناڵی ته‌له‌گرام       كه‌ناڵی یوتوب      هه‌ژماری تویته‌ر       په‌یجی انسته‌گرام