ماڵپه‌ری شایسته‌
سایتيكی بيلایه‌ن بؤ خزمه‌تی هه‌مووان

     سات به‌ سات ئاگاداری نوێترینه‌كان به‌ له‌ ته‌له‌گرامی شایسته‌

    ڤیدۆ : ئێران بۆ یەکەم جار مووشەکی بالیستی 'لە قووڵایی زەوییەوە' تەقاند

    ڤیدۆ : ئێران بۆ یەکەم جار مووشەکی بالیستی 'لە قووڵایی زەوییەوە' تەقاند


    فەرماندەی هێزە ئاسمانییەکانی سەربە سوپای پاسدارانی ئێران، جەنەراڵ ئەمیر عەلی حاجیزادە، ئەمڕۆ چوارشەممە 29ی تەمموز، وتی سوپای پاسداران بۆ یەکەم جار مووشەکی بالیستی "لە قووڵایی زەوییەوە" تەقاند، ئەوەش لە چوارچێوەی مەشقە سەربازییە ساڵانەییەکانی سوپای ئەو وڵاتەدا بووە.

    جەنەراڵ ئەمیر عەلی حاجیزادە، لە هەژماری تایبەتی خۆی لە تویتەر گرتەی ڤیدیۆیی ساتی تەقاندنی مووشەکەکەی بەرەو ئاسمان بڵاوکردووەتەوە.

    بڵاوی بكه‌نه‌وه‌


    مەشقە سەربازییەکانی ئێران ڕۆژی سێشەممە لە کەنداو دەستیپێکرد، ئەوەش لە کاتێکدایە گرژییەکانی نێوان تاران و واشنتن ڕوو لە هەڵکشانی زیاترن.

    بەپێی هەواڵێکی ئاژانسی ڕۆیتەرز، سوپای ئەمریکا ڕایگەیاند مەشقەکانی ئێران بووەتە هۆی ئەوەی دوو بنکەی سەربازیی ئەمریکی لە ناوچەکە [عودەید لە قەتەر و زەفرا لە ئیمارات] بکەونە حاڵەتی ئامادەباشی، هەروەها ئەو هەڵسوکەوتی تارانیان بە "نابەرپرسانە" وەسف کرد.

    بەرپرسێکی سەربازیی ئەمریکی بە پەیامنێری "فۆکس نیوز"ی ڕاگەیاندبوو، "بنکەکانی عودەید لە قەتەر و زەفرا لە ئیمارات لە ئەوپەڕی حاڵەتی ئامادەباشیدا بوون، بەوپێیەی سێ مووشەکی ئێرانی لە ئاوەکانی نزیکیانەوە کەوتنە خوارەوە".

    هێزە دەریاییەکان و مووشەکهاوێژەکانی سوپای پاسدارانی ئێران، ڕۆژی سێشەممە 28ی تەمموز، مانۆڕێکی سەربازییان لە گەرووی هورموزدا ئەنجامدا و چەندین مووشەکی بالیستی و کروزیان تێدا تاقیکردەوە، سەرچاوەکانیش ئاماژەیان بەوە کردبوو کە بنکە سەربازییەکانی ئەمریکا خرابوونە حاڵەتی ئامادەباشییەوە.
    تۆش ده‌توانی پشتیوانیمان بكه‌یت بۆ به‌رده‌وام بوون؟ رۆژانه‌ كلیك بكه‌ له‌

     ئێوه‌ له‌ كوێبن ئێمه‌ش له‌وێن هه‌ژماره‌كانی ماڵپه‌ری شایسته‌ بینه‌رمان بن

    په‌یجی فه‌یسبوك      كه‌ناڵی ته‌له‌گرام       كه‌ناڵی یوتوب      هه‌ژماری تویته‌ر       په‌یجی انسته‌گرام