ماڵپه‌ری شایسته‌
سایتيكی بيلایه‌ن بؤ خزمه‌تی هه‌مووان

    ڤیدۆ: دوو چەکدار لە رێستۆرانتێکی هەولێر هێرشدەکەنە سەر کەسێک و برینداری دەکەن

    ڤیدۆ: دوو چەکدار لە رێستۆرانتێکی هەولێر هێرشدەکەنە سەر کەسێک و برینداری دەکەن


    ئێوارەی رۆژی چوارشەممە 28-10-2020، سێ چەکدار لە رێستۆرانتێکی هەولێر هێرشدەکەنە سەر کەسێک بە دووانیان لێی دەدەن و برینداری دەکەن، ئەو کەسەی هێرشی کراوەتەسەر دەڵێت، "نازانم لەسەر چی بووە و ئەو کەسانە ناناسم". 
     
    ئەو کەسەی هێرشی کراوەتەسەر ناوی نەمان ئەحمەد سلێمانە و تەمەنی 35 ساڵانە، ڤیدیۆی ساتی هێرشکردنەسەری کە لە کامێراکانی چاودێرییەوە تۆمارکراوە، بۆ رووداو ناردووە. دەردەکەوێت، "لەکاتی نانخواردن لەسەر مێزێک، دوو کەس دەستی دەگرن و رایدەکێشن و لێی دەدەن". 

    ئەو شوێنەی رووداوەکە تێیدا روویداوە، رێستۆرانتی قەرەچووخ بووە لەسەر شەقامی کوران. نەمان بە رووداوی گوت، "کاژێر 07:05 خولەک بووە و بۆ نانخواردن چووەتە ئەو ریستۆرانتە، ئاگایشم لە هیچ شتێک نییە و هیچ کێشەیەکم لەگەڵ کەسدا نییە". 

    بە گوتەی خۆی، نەمان ئەو چەکدارانە ناناسێت، دەڵێت "من لەگەڵ دایکم دەژیم، ئێوارەی رۆژی سێشەممە چوونەتە سەر ماڵمان و هەڕەشەیان لە دایکم کردووە، لەوکاتەوە دایکم نانی پێناخورێت". 

    لەبارەی هۆکاری رووداوەکە، نەمان بە رووداوی گوت، "ئەو کەسانە گوتوویانە پارەیان لای برایەکمە، کە زیاتر لە دوو دەفتەر دۆلارە، براکەیشم زیاتر لە مانگێکە هەڵاتووە و چووە بۆ تورکیا".  

    نەمان لە بنکەی پۆلیسی ئازادی سکاڵای لەسەر ئەو کەسانە تۆمارکردووە، بە گوتەی خۆی، دادوەر فەرمانی دەستگیرکردنی بۆ ئەو کەسانە دەرکردووە، بەڵام "نووسیویەتی دەبێت لێکۆڵینەوەی زیاتر بکرێت بۆ ناسینەوەیان". 

    دوای ئەوەی لە رێستۆرانتەکە لێیانداوە، ئەو کەسانە کە "ئۆتۆمبێلێکی رەینج رۆڤەریان پێبوو، هەوڵی رفاندنیان دام و ویستیان بەزۆر بمخەنە ئۆتۆمبێلەکەوە، بەڵام خەڵکی دەستی گرتن". 

     ئه‌ته‌وێت له‌رێی انته‌رنێته‌وه‌ پاره‌ په‌یدا بكه‌؟!

    به‌ژداربه‌ له‌م كه‌ناڵه‌ له‌ ته‌له‌گرام

    https://t.me/moneyak1



     وه‌كو هاوكارییه‌ك بۆ ئێمه‌ رۆژانه‌ 1 جار كلیك بكه‌ له‌

     تۆره‌كانی ماڵپه‌ری شایسته‌ بینه‌رمان بن

    Facebook     Youtube    Instagram    Telegram   Twitter