لەدایکبوون ٥٧٠ ی زایینی مەککە
کۆچی دوایی ٦٣٢مەدینە
نەتەوە عەرەب
ناوەکانی تری ئەبولقاسم
دایەن حەلیمە
بیروڕای ئایینی ئیسلام
هاوسەر(ەکان) خەدیجە، عاییشە
منداڵەکان فاتمە
دایک‌وباوک عەبدوڵڵا کوڕی عەبدولموتەلیب، ئامینە
موحەممەد(صلى الله عليه وسلم)
محەمەدی کوڕی عەبدولڵا کوڕی عەبدول موتەلیب موسڵمانان دایدەنێن بە پێغەمبەری خوا بۆ ھەموو مرۆڤایەتی تا خەڵک بگەڕێنێتەوە بۆ یەکتاپەرستی و وپەرستنی خوا لەسەر ڕیبازی ئیبراھیم، و لەو باوەڕەدان کە کۆتایی پێغەمبەرەکانی خوایە، لەگەڵ ناوھێنانیدا موسڵمانان ئەڵێن (صلی اللە علیە و سلم) واتە دروودی خوای لێبێت، کە ئەوە لە قورئان وسوننەتدا ھاتووە کە وایان لێئەکات سڵاواتی لەسەر بدەن، لە دایک بووە لە مەککە لە مانگی ڕەبیعولئەولی ساڵی فیل، بەرامبەر ساڵی ٥٧٠ زاینی، پێش ئەوەی لە دایک بێت باوکی کۆچی دوایی کردوە و ھەر لە مناڵیشدا دایکی لەدەست ئەدات، پەروەردە دەبێت لای عەبدول موتەلیبی باپیرەی پاشان لای ئەبو تالیبی مامی، کە لەو ماوەیەدا خەریکی شوانی ئەبێت، پاشان بازری ئەکات، لە تەمەنی ٢٥ ساڵیدا ژیانی ھاوسەری پێک ھێناوە لەگەڵ خەدیجەی کچی خوەیلد وھەموو مناڵەکانی لەو بووە بێجگە لە ئیبراھیم، لە پێش ئیسلامدا حەنیفی بووە وخوای پەرستووە لەسەر ڕیبازی ئیبراھیم و پەرستنی بتی ڕەتکردۆتەوە، موسڵمانان لەو باوەڕەدان کە وەحی (نیگای خوا)ی پێ گەیشتووە کاتێک لەتەمەنی چل ساڵیدا بووە، سێ ساڵ بە نھێنی بانگەوازی کرد پاشان دە ساڵی لە مەککە بە سەر برد بە بانگ کردنی خەڵکەکەی وبازر و حەجاجەکانی کە دێنە مەککە، و لە ساڵی ٦٢٢ز کۆچی کرد بۆ شاری مەدینە کە ناودەبرا بە یەسرب، دوای ئەوەی گەورەکانی قوڕەیش کەوتنە پیلان گێڕان لێی و بانگەوازەکەیان ڕەت ئەکردەوە، دە ساڵی کۆتایی ژیانی لە مەدینە بەسەر برد بە بانگەوازی ئیسلامی، وبناغەی شارستانی ئیسلامی دانا، کە دواتر مەککە وھەموو شار و ھۆزە عەرەبیەکانی گرتەوە، کە بۆ یەکەم جار عەرەبی یەکخست لەسەر یەک ئاینی یەکتاپەرستی ولە دەوڵەتێکی یەکگرتوودا
ژیان نامه‌ی پێغه‌مبه‌رمان صلی الله علیه وسلم